އިޞްލާޚު ކުރެވި މިދިޔަ 2008 އޮގަސްޓް 7 ގައި ތަޞްދީޤު ކުރެވުނު ޤާނޫނު އަސާސީގައި ވާގޮތުން ރައްޔިތުންގެ މަޖިލީހުގައި އަތޮޅުތައް ތަމްސީލު ކުރާނެ މެންބަރުން ކަނޑައަޅަނީ އެއަތޮޅެއްގެ އާބާދީއަށް ބަލައިގެންނެވެ. މިގޮތުން އާބާދީގެ ފުރަތަމަ ފަސްހާސް މީހުންނަށް އަދި އާބާދީގައި ފަސްހާސް ހަމަނުވާ ކޮންމެ އަތޮޅަކުން ދެމެންބަރުން ހޮވާނެއެވެ. އާބާދީގައި ފަސްހާސް ހަމަވެފައި، އިތުރުވާ ކޮންމެ ފަސްހާސް މީހަކަށް އިތުރު އެއް މެންބަރު އެއަތޮޅަކުން ހޮވާނެއެވެ. މެންބަރުން ހޮވުމުގައި ކޮންމެ އަތޮޅަކުން، އާބާދީގެ ނިސްބަތުން އެއަތޮޅަކުން ހޮވަންޖެހޭ މެންބަރުންގެ ގޮނޑީގެ އަދަދަށް، އެއަތޮޅެއް ވަކި އިންތިޚާބީ ދާއިރާތަކަށް ބަހަންވާނެއެވެ. ކޮންމެ އިންތިޚާބީ ދާއިރާއަކުން ހޮވޭނީ ސިއްރު ވޯޓުލައިގެން އެންމެ ގިނަ ވޯޓު ލިބޭ ކެނޑިޑޭޓެވެ.
މިހާރު ރައްޔިތުންގެ މަޖިލީހުގެ ކޮމެޓީ މަރުހަލާގައިވާ އިންތިޚާބީ ދާއިރާތައް ކަނޑައެޅުމާ ބެހޭ ބިލުގެ ޑްރާފްޓްގައި ވާ އުޞޫލުގެ ދަށުން، ނޮވެމްބަރ 2008 ގެ ނިޔަލަށް ރާއްޖޭގެ އާބާދީއަށް ބަލައިގެން، އިލެކްޝަންސް ކޮމިޝަނުން ވަނީ މަޖިލީހުގައި ހިމެނޭނެ އަތޮޅުތަކުގެ ގޮނޑީގެ އަދަދު ކަނޑައަޅުއްވައި އިލެކްޝަންސް ކޮމިޝަނުގެ ވެބްސައިޓްގައި ޢާއްމުކުރައްވާފައެވެ. 6 އަތޮޅަކުން ދެމެންބަރުން، 7 އަތޮޅަކުން 3 މެންބަރުން، 4 އަތޮޅަކުން 4 މެންބަރުން، 2 އަތޮޅަކުން 5 މެންބަރުން، 1 އަތޮޅުން 6 މެންބަރުން އަދި މާލެއިން 11 މެންބަރުންނާއެކު މުޅިޖުމްލަ 76 މެންބަރުން ހޮވުމަށް އިލެކްޝަންސް އިން މިހާރު އެވަނީ ކަނޑައަޅުއްވައި އިޢުލާންކުރައްވާފައެވެ.
އިލެކްޝަނުން ގޮނޑި ކަނޑައެޅުއްވުމުގައި މާލޭ މުނިސިޕަލްޓީގެ ޚާއްސަ ދަފްތަރުގައި ތިބި 7045 މީހުން މާލޭގެ އާބާދީގައި ހިމަނުއްވައި، މާލޭގެ ކޮންމެ އިންތިޚާބީ ދާއިރާއަކަށް، ދަފްތަރު ނަންބަރު ތަރުތީބުން، ހަމަހަމައަށް ދަފްތަރުގައި ތިބި މީހުން ހިމަނުއްވައި ގޮނޑި ބައްސަވައިފިއެވެ. މީގެ ސަބަބުން މާލެއަށް އެއްގޮނޑި އިތުރު ވެގެންދެއެވެ. ދަފްތަރު ގައި ތިބި މީހުން އެމީހުން ނިސްބަތްވާ ދާއިރާތަކަށް ނިސްބަތްކޮށް އާބާދީ މުރާޖަޢާކޮށްފިނަމަ މާލެއިން އެއްގޮނޑި މަދުވާނެއެވެ. ނަމަވެސް އަތޮޅުތަކުން އެއްގޮނޑިއަށްވުރެ ގިނަ ގޮނޑި އިތުރުވާނެއެވެ. އިންތިޚާބީ ދާއިރާތަކުގެ ބިލް އެއޮތީ އަދި ރައްޔިތުންގެ މަޖިލީހުގެ ކޮމެޓީ ސްޓޭޖްގައެވެ. އެބިލްގެ ބަހުޘް މަރުހަލާގައި ރައްޔިތުންގެ މަޖިލީހުގައި ބައެއް މެންބަރުން ވިދާޅުވީ ދަފްތަރަކީ އުވާލަންޖެހޭ އެއްޗެއްކަމަށެވެ. ދަފްތަރު އުވާލުމާއި މެދު ސަރުކާރުގެ ބައެއް އިސްވެރިންގެ މެދުގައި ހިޔާލުތާފާތު ވުމެއް އެބައުޅެއެވެ.
ދަފްތަރަކީ ރާއްޖެތެރޭ ނިކަމެތި ރައްޔިތުން މާލެ ޖަމާކުރަން މައުމޫނުގެ ސަރުކާރުން ޖައްސަވާފައިވާ ދަންތުރައެކެވެ. ރެފިއުޖީ ލިސްޓެކެވެ. މާލޭ މުނިސިޕަލްޓީގެ ޚާއްސަ ދަފްތަރުގައި ރަޖިސްޓްރީ ވުމުން، އެމީހެއްގެ އައިޑީ ކާޑުގައި ދާއިމީ އެޑްރެހުގެ ގޮތުގައި އޮންނަނީ އެމީހެއްގެ ދަފްތަރު ނަންބަރެވެ. އެއެޑްރެހަކީ މުނިސިޕަލްޓީގައި އޮންނަ ފޮތެކެވެ. އޭގައި ރަޖިސްޓްރީވުމުން ނޫނީ މާލެ ސަރަހައްދުން ފްލެޓާއި ގޯތީގެ ގުރުލުމުގައި ބައިވެރިވެވޭ ކަމަކަށްނުވެއެވެ. އޭގެންކުރާ އަދި ކުރެވޭނެ އެހެން ބޭނުމެއް އަމުދަކުން މުސްތަޤުބަލްގައި ނެތެވެ. މިއަދު އެތައްބަޔަކު މިވަނީ މި ދަފްތަރަކާހެދި މަގުމަތި ވެފައެވެ. އެންމެ ކުޑަމިނުން ރައްޔިތުންގެ މަޖިލީހަށް އެމީހަކު ނިސްބަތްވާ ދާއިރާއިން މެންބަރުން ކަނޑައެޅުމުގައި ޝާމިލް ވުމުގެ ފުރުޞަތުވެސް ގިނަބަޔަކަށް ގެއްލިގެންދަނީއެވެ. އެއްގޮތަކަށްވެސް އެކަމަށް ޖާގަދީގެން ނުވާނެއެވެ.
ދަފްތަރު ގައި ތިބޭ މީހުންނަށް އެކަނި ފްލެޓްތަކުގެ ގުރުލުމުގައި ބައިވެރިވުމަކީ މިހާރު ޤާނޫނުއަސާސީ ތަންދޭ ކަމެއްނޫނެވެ. ކުރިއަށް އޮތް ތަނުގައި ކޮންމެ ރަށެއްގެ ރައްޔިތަކަށްވެސް ހަމަހަމަކަމާއެކު އެފުރުސަތު ލިބެންޖެހޭނެއެވެ. ޤާނޫނުއަސާސީގެ ރޫހަކީ އެއީއެވެ. މަޖިލީހުގެ މެންބަރުންގެ ރޫހުވެސް ހުރީ އެގޮތަށެވެ. ވުމާއެކު މާލޭ މުނިސިޕަލްޓީގެ ދަފްތަރު މިހާރުން މިހާރަށް އުވާލައި، ކުރިއަށް މިއޮތް ރައްޔިތުންގެ މަޖިލީހުގެ އިންތިޚާބަށް ދާއިރާތައް ކަނޑައެޅުމުގެ ކުރީން، ދަފްތަރުގައި ތިބި މީހުން ނިސްބަތްވާ ދާއިރާއެއްގައި އެމީހުން ރަޖިސްޓްރީކޮށް، އިންތިޚާބީ ދާއިރާތައް ކަނޑައެޅުމުގައި ރައްޔިތުންގެ ތަމްސީލުވުން ހަމަހަމަގޮތެއްގައި ފުޅާކުރަން އެބަޖެހެއެވެ.
ނޮވެމްބަރ 2008 ގެ ނިޔަލަށް އައްޑޫގައި އޮތީ 29564 މީހުންގެ އާބާދީއެކެވެ. އެއާބާދީއަށް ޖެހެނީ ރައްޔިތުންގެ މަޖިލީހުގެ 6 ގޮނޑިއެވެ. އައްޑު އަތޮޅަށް ރައްޔިތުންގެ މަޖިލީހުން 7 ގޮނޑި ލިބޭނީ އާބާދީގައި 30000 މީހުން ހަމަވެގެންނެވެ. ގޮނޑިއެއް އިތުރު ވުމަށް އައްޑޫ އިން މަދުވަނީ އެންމެ 436 މީހުންނެވެ.
ނޮވެމްބަރ 2008 ގެ އާބދީީއަށް ބަލައިގެން ގޮނޑިތަކުގެ އަދަދު ކަނޑައަޅުއްވާފައިވަނީ، 15 ފެބްރުއަރީ 2009 ގެ ކުރިން އިންތިޚާބު ބޭއްވުމުގެ މަޤްސަދުގައެެވެ. ނަމަވެސް މިހާރު މިދާގޮތުން އިންތިޚާބު މިއޮތީ ނުހަނު ފަސްވެފައެވެ. އެހެންކަމުން އަތޮޅުތަކުގެ ގޮނޑީގެ އަދަދު ކަނޑައެޅިގެންދާއިރު، ދަފްތަރުގައި ތިބި ރާއްޖެތެރޭގެ ރައްޔިތުން އެމީހުންގެ ވަޒަނުގައި ރަޖިސްޓްރީވެ، އެކަމުގައި އެމީހުން ނިސްބަތްވާ ދާއިރާގެ މަޞްލަހަތަށް އިސްކަންދިނުމުގެ ފުރުޞަތު ނުލިބޭންވީ ހަމަ އެއްވެސް ސަބަބެއް ނެތެވެ. އެޙައްޤު ނުލިބިއްޖެނަމަ ކޯޓު އެހެރީ މާދުރެއްގަނޫނެވެ.
ޚާއްސަކޮށް އަޅުގަނޑަކީ އައްޑުއަތޮޅަށް ނިސްބަތްވާ އައްޑޫއަށް ކުރިއެރުމާއި ކާމިޔާބު ލިބުން އެދޭ އައްޑުއަތޮޅުގެ ދަރިއަކަށް ވާހިނދު، މާލޭ މުނިސިޕަލްޓީގެ ދަފްތަރުން ވަކިވެ އުފަން ފަޚުރުވެރި އައްޑުއަތޮޅަށް ރަޖިސްޓްރީ ބަދަލުކޮށް، ރައްޔިތުންގެ މަޖިލީހުގައި އައްޑޫގެ ތަމްސީލުވުން ބޮޑުވާނެ ގޮތަށް ޢަމަލުކޮށްދެއްވުމަށް، ދަފްތަރުގެ ރަޖިސްޓްރީގައި ތިއްބެވި އައްޑޫގެ (2000) ދެހާހެއްހާ ރައްޔިތުންނަށް އިލްތިމާސް ކުރަމެވެ.
ނިގޯވާ ކޫދަކާއް ކިރައް ނިލިބޭހެއް. ދަފްތަރި ތިބި އައްޑޫ މީހުންގެ ތެރެއިން ވީހެއި ގިނަ ބާކިއެ ދާއިމީ އެޑްރެސް އެމީހަކާގެ ރަށަށް ބަދަލު ކެރައު. އަދި މި މެސެޖާ ވީހެއިއަސް ގިނަ ބާކިންނަށް އަނގުވައި ދެއު. އަފިރިންނަށް 7 ގެނޑި ލިބޭއްވޭހެއް. ލިބޭނެއި ހޯދާއް ހިނގަގެން.
Mikamah masakkaiy keraah jehey heh. Mee varah rangalha article ah. Avahah veehei gina rayyithun mikamah heyluntheri keraah vee. Adhi the benaahen mi emmen jassaah vee Addu registree e. Ekalaki afirin bena bahaa ithirah bonda vumuge furusathu majileehe ethere on neheh.
ReplyDeleteHinga mikamaai veydemaa. Addu athelhe mikoa majileehe thibi izzaththeri membaru Aslam ei adhi Shareef ei as vaahka dhakkaah veehen maa heevenee.
Badr' - Moolekede/Korovali Candidate
"Dream - Decide -Execute"
moosa ..its a good idea ..I support u idea ...we have to work hard to get 7 seats to addu....all adduvans have to support this & anyone who is in municipalty "dafutaru" pls change there registry to the attolls......
ReplyDeletethis is an excellent idea! let's spread the word around..
ReplyDeleteMoosa, thats very true, lets try to deliver this message.
ReplyDeleteshahym
Ravvesakah veveynee e rasheh gai medhunukendi 5 aharu ulhumun kamah bunaa maahdhaa uvaalan courtah husha halhaifin.
ReplyDeleteHaveeru Report:
http://www.haveeru.com.mv/?page=details&id=79298
Jazeera Report:
http://www.jazeera.com.mv/posts/view/19276